कम्पनी रजिष्ट्रारको कार्यालयका प्रमुख कार्यहरू

• कम्पनी ऐन, २०६३ बमोजिम प्राइभेट लिमिटेड, पब्लिक लिमिटेड, तथा मुनाफा वितरण नगर्ने कम्पनीहरू दर्ता गर्ने।
• पब्लिक लिमिटेड कम्पनीहरूको विवरण पत्र प्रकाशित गर्नु पूर्व जाँचबुझ गरी अभिलेख राख्ने।
• शेयर पूँजी वृद्धि, कम्पनीहरूको नाम परिवर्तन वा संशोधन लगायत प्रवन्धपत्र र नियमावलीमा आवश्यक संशोधन गर्न स्वीकृति प्रदान गर्ने।
• दर्ता भएका कम्पनीहरूले कम्पनी ऐन बमोजिम कार्य गरे/नगरेको अनुगमन गर्ने, छानबिन गर्ने, र आवश्यकतानुसार निरीक्षक खटाउने।
• कम्पनी ऐन, २०६३ सम्बन्धी राय तथा परामर्श उपलब्ध गराउने।
• प्रवन्धपत्र तथा नियमावलीमा आवश्यक संशोधनको अभिलेख राख्ने।
• कम्पनीहरूको अद्यावधिक अभिलेख राख्ने।
• कम्पनी ऐनअनुसार कम्पनी खारेजी सम्बन्धी कार्य गर्ने।
• कम्पनी ऐन, २०६३ विपरीत कार्यवाही भएमा, शेयरधनीहरूको उजुरी वा अन्य माध्यमबाट जानकारी प्राप्त भएमा आवश्यक कारवाही गरी नियमित गराउने।
• कम्पनी गाभ्ने सम्बन्धी कार्यवाही गर्ने।
• कम्पनी ऐन, २०६३ बमोजिम तोकिएका विवरण, सूचना तथा जानकारीहरू निर्धारण गरिएको समयमा दाखिला गर्न लगाउने, नगरेमा आवश्यक जरिवाना तथा खारेजीसम्बन्धी कार्य गर्ने।
• कम्पनी ऐन, २०६३ ले निर्दिष्ट गरेका अन्य कार्यहरू सम्पादन गर्ने।
• नेपाल सरकारबाट समय-समयमा जारी गरिएका निर्देशनहरूअनुसार अन्य कार्यहरू गर्ने।